السلام عليكم اخواني واخواتي اشرحلكم مراحل السفر الي صارت وياية من بغداد الى امريكا طبعا اول شي يخابرك واحد ويكلك موعد السفر ترحون لساحة عباس بن فرناس تنتظرون قرب المطعم والكوفي شوب الي صايرة بالاخير مو الطيارة المهم يجي واحد ينطيكم اوراق ويكلكم انتظركم جوة بالمناسبة كل واحد مسموحلة اذا جانت رحلتة على اوربا ٢٠ كيلو جنطة كبيرة وصغيرة ٥ كيلو ولاب توب بالمناسبة تكدر اتوصلها لل ٢٣ والصغيرة ٧ وديرو بالكم من الوزن الزايد لان يحرجوكم طلع هدوم وحول اني جان عندي ١٥ كيلو وزن زايد والحمد الله انحلت الامور وراها ترحون تختمون الجوازات وتنتظررون جوة لحد ميفتح البوردنك ياخذ فد ساعتين وقت وراها ترحون لعمان طريق ساعتين تقريب تنزلون عمان اتشوفون موظف اردني ياخذ جوازتكم وينطيكم كيس علاكة مال اي او ام تحتفظ بيها مثل ابنك لان مهمه بقينا ٥ ساعات انطونة ستكرات مال اكل كنتاكي شغلات سناك سريعة وبعدين طرنا لفرنسا ٥ ساعات تنزل فرنسا دنيا ليل بقينا بيها حوالي ترانزيت ٧ ساعات وطرت بطيارة الى لوس انجلوس الطريق ١٢ ساعة متعب بشكل يحتاج صبر من الواحد نصيحة كل ساعة كومو اتمشو علمود الدوره الدموية للارجل تنزل بلوس انجلس يانتظرك موظف اي اوم يسون الاجرائات ناس بقت ترانزيت ٩ ساعات جماعة سياتل وسكرمنتو اني سان دياكو كملت الاجرائات والجنط ورحنا بڤان باص صغير الى سان دياكو قرب المطار ينتظرك الكفيل وصعدت وية الكفيل وصاير ثريد من التعب ونزلت بالموتيل ونمت وكعدت وكتبتلكم هاي القصة اصدقائي الموضوع سهل جدا بس شوية الطريق متعب والي ماعندة لغة اكو يساعدوه واصلا مراح تحتاج يلزمك واحد وياخذك الثاني الي عندة دوة ياخذة ويخلي بالجنط الكبيرة وتوصلون مرات ادكولون لو باقين بالعراق ومرات ادكولون زين جينا الايام الجاية اكتبلكم شنو حيصير وياية عموما الجو يمي طيب وعبالك بغداد بالثمانينات وهدوء اتمنالكم السفر القريب تحياتي
ليست هناك تعليقات:
إرسال تعليق