بما يخص تغيير الولايه

موضوع #تغيير_الولايه
السلام عليكم ..
اخواني الاعزاء .. بعض الاخوة راسلوني وسألوني عن امكانيه تغيير الولايه الي تقررها الهم المنظمة ..
-طبعا اختيار الولايه يتم بشكل عشوائي حسب الولايات الي بيها طاقه استيعابيه لاعداد لاجئين جدد .. طبعا هذا الموضوع بالنسبه للي ماعدهم كفيل والمنظمة تكفلهم .
-الكفيل اله تأثير قوي بحيث اذا كفيلك مثلا بتكساس يخلوك بتكساس او اذا بواشنطن يخلوك بواشنطن وهكذا .. وتكدر تبلغ المنظمة انك تريد الولايه الفلانيه مو الا ويا كفيلك .. طبعا هالكلام قبل لتنزل ولايه ومطار والملف بعده ببدايه مراحله (مقابلات وفحص)
تغيير الولايه اذا نازلتلك ولايه ومطار (بملف قضيتك بموقع عمان) من الصعب ان تغيره لان المنظمة بعد جهد جهيد كملت اجراءات استقبالك بالولايه النازلة واوراقك ورتبتلك مكان .. وبسبب الزخم الوارد عالمنظمة من تطلب تغيير الولايه بهذي الضروف راح تتأخر عمليه سفرك من سنتين الى 3 سنوات لان المنظمة تشتغل بمئات القضايا مو بس قضيتك ..
اذا ردت تحول ولايتك فالحل السليم والانسب لا تبلغ المنظمة نهائيا انك تريد تغيير الولايه ومن توصل لامريكا بالسلامة، اول متوصل للمطار يتلكاك ال Case Worker المسؤول على القضية مالتك وبلغه انو تريد تغيير الولايه يصعد هو لاي مكتب حجز بالمطار ويحجزلك بفلوسك (الويلكم ) وتروح لولايتك الي تريدهه..
-بما انك لاجئ رسمي فالحكومه الأمريكية ملزمة بدفع حقوقك ومستحقاتك كلاجئ كاملة مكمله بدون اي دولار واحد لان المساعدات مقدمة من الماليه الامريكيه وليست من المنظمة لمده 8 اشهر ..
#والسلام
الكاتب : معتز الموسوي